Fahnen mit dem DAAD-Logo vor der Außenfassade der Zentrale in Bonn.

Tarixə qısa nəzər salsaq, Alman Akademik Mübadilə Xidmətinin (DAAD) insanı və elmi birləşdirməsi aydın görünür. 1925-ci ildə Haydelberqdə bir tələbənin təşəbbüsü ilə yaranan DAAD bu gün tələbə və elmi işçilərin beynəlxalq mübadiləsini dəstəkləyən dünyanın ən önəmli təşkilatlarından biridir.

Onun yaradılması tarixindən etibarən DAAD Almaniya daxilində və xaricində 1,9 milyondan çox elm adamını dəstəkləmişdir. DAAD alman ali məktəblərinin və tələbələrinin birliyi kimi tanınır. DAAD-nin fəaliyyəti yalnız təqaüdlərin verilməsi ilə məhdudlaşmır. DAAD həmçinin alman ali məktəblərinin beynəlmilləşməsini, alman dili filiologiyası və alman dilinin xaricdə güclənməsini dəstəkləyir, inkişaf etməkdə olan ölkələrdə güclü ali məktəb sisteminin yaradılmasını, mühüm qərar verici orqanları təhsil, təhsil sahəsində xarici əlaqələri və inkişaf siyasətini dəstəkləyir.

Ən yaxşılar üçün təqaüd

DAAD gənclərə Almaniya daxili və xaricində beynəlxalq təhsil və tədqiqat təcrübəsini toplamağa imkanı yaradır. Əksər xarici DAAD təqaüdçüləri magistr və doktorantura tələbələridir. Təqaüd imkanları məzunlara şamil olunur. Çünki onlar ilk akademik nailiyyyətlərini əldə etmiş və təqaüddən təhsilin ilkin dövründə olan tələbələrdən daha yaxşı faydalana bilərlər. DAAD bakalvr təhsili üçün təqaüdü yalnız xaricdəki alman məktəblərinin ən yaxşı məzunlarına verir.

Yerli Şəbəkə

Təşkilatın büdcəsi əsasən nazirliklərin vəsaitlərindən, ilk növbədə Xarici İşlər Nazirliyi, Avropa Birliyi, həmçinin müəssisə, təşkilat və xarici hökümət tərəfindən maliyyələşdirilir. DAAD Mərkəzi Bonnda yerləşir, bundan əlavə Berlində də bir əsas bürosu vardır. Xarici nümayəndəliklər və məlumat mərkəzlərindən ibarət olan şəbəkə bütün qitələrdən olan əməkdaş ölkələrlə əlaqələri nizamlayır və məsləhət verir.